Սաղ աշխարհն առաջ է գնում, Գյումրին հետ է գնում, կարմիր վզկապներով պետք է գնան ավագանու նիստերին. մարզպետ

Այն թեկնածուներին, որոնց քաղաքացիները ձայն են տվել, երևի թե պատրաստվեն պիոների վզկապներով Գյումրու ավագանու նիստերին գնալուն. լրագրողների հետ ճեպազրույցին ասաց Շիրակի մարզպետ Դավիթ Առուշանյանը՝ նկատի ունենալով Գյումրիում Կոմունիստական կուսակցության խմբակցության դաշինքով հաղթանակը։

«Սաղ աշխարհն առաջ է գնում, Գյումրին հետ է գնում, կարմիր վզկապներով պետք է գնան ավագանու նիստերին, մավզալեյն էլ կողքը սարքեն, Լենինական էլ դարձնեն հին անունը... »,-հեգնեց մարզպետը։

Դավիթ Առուշանյանը նշեց, որ Վարդան Ղուկասյանի գլխավորած Կոմունիստական կուսակցության հաղթանակից հետո «Լենինի դեմքին ժպիտ էր եկել, որ Գյումրիում կրել է՝ Սովետի քանդվելուց հետո»։