Վաչեն չունի դերասանական կրթություն, հայտնվել է ֆիլմում, որը ստացավ գլխավոր մրցանակ. Արան և Մհերը` Օսկարի մասին

Starnews.am-ը գրում է․

StarNews-ը հետևեց «Օձի լեզու» հաղորդման հերթական եթերին և առանձնացրեց հետաքրքիր մասեր։

Վաչե Թովմասյանի և նրա հաջողության մասին խոսելով` Արան նշեց.

«Իմ համար Վաչեն բացառիկ դեմքա, որովհետև էն Վաչեն, որը կա էկրանում, բեմում և էն Վաչեն, որի հետ զրուցում ես, երկու տարբեր մարդիկ են։Վաչեն վերջին տարիներին շատ խորացրել ու զարգացրել է իր անգլերենը։ Վաչեի օրինակը հաջողակ լինելու դասական նմուշա։Վաչեն չունի դերասանական կրթություն, սակայն հայտնվել է մի ֆիլմում, որը ստացավ գլխավոր մրցանակ»։

Մհեր Բաղդասարյանը մեկնաբանեց այսպես.

«Երևանի արվարձաններից մի երիտասարդ հայտնվել է նախ «32 ատամ»-ում, հետո «Վիտամին»-ի բեմում ու միաժամանակ հայտնվում է աշխարհի կարևորագույն մրցանակաբաշխության, կարևորագույն բեմում և ամենակարևոր անվանակարգի համար բարձրանում է բեմ և ստանում մրցանակ։ Սա հուշում է, որ անհավանական ոչինչ չկա»։

Մհերն ու Արան ցանկացան նաև անդրադառնալ  «Անորա»ֆիլմի բովանդակությանը։

Պատմության մեջ առաջին անգամ գլխավոր անվանակարգը՝ «Տարվա լավագույն ֆիլմ» ստացել է հայկական երկխոսություն ունեցող ֆիլմ։