Ես տեղյակ չեմ, էս ինչ կազմակերպված գրոհ ես սկսել. Անդրանիկ Քոչարյանը՝ իրեն հանձնաժողովի նախագահի պաշտոնից հեռացնելու օրակարգի մասին

ԱԺ «Քաղաքացիական պայմանագիր» խմբակցության պատգամավոր Անդրանիկ Քոչարյանը լրագրողների հետ զրույցում ասաց, որ տեղյակ չէ, թե իբր իշխող խմբակցությունը մտադիր է իրեն Պաշտպանության և անվտանգության հարցերի հանձնաժողովի նախագահի պաշտոնից հեռացնել։

Ի պատասխան դիտարկմանը, թե նման հարց են բարձրացրել կուսակցությունում՝ Քոչարյանը նկատեց.«Եթե հարցը բարձրացված է, կարելի է քննարկել։ Ես այդպիսի տեղեկություն չունեմ։ Կազմակերպված գրոհ ես սկսել։ Այ հիմա տեղեկացա, բայց պետք է աղբյուրը գտնել»։