Երևանում երիտասարդն անցել է ճաղավանդակի վրայով եւ մտել Իտալիայի դեսպանատան տարածք (տեսանյութ)

Դեկտեմբերի 1-ին արտակարգ դեպք է տեղի ունեցել Երևանում։ Այդ մասին հայտնում է SHAMSHYAN.com-ը։

Երիտասարդ տղան, բարձրանալով Երևանում գործող Իտալիայի դեսպանատան ճաղավանդակի վրա, մտել է դեսպանատան տարածք։

Նրան տեղում բռնել են դեսպանատան անվտանգության աշխատակիցները, ապա ժամանած ՀՀ ոստիկանության պարեկային ծառայության Երևանի գնդի պարեկները նրան տեղափոխել են ոստիկանության Կենտրանական բաժին։

Դեսպանատուն ներխուժած քաղաքացին Երևանի բնակիչ, 30-ամյա Միքայել Գ-ն է։

Փաստի առթիվ ոստիկանության կենտրոնական բաժնում նյութեր են նախապատրաստվում։